Cilat janë qytetet më të rrezikuara nga tërmetet ?

Aktuale September 13, 2016 - 11:05

Kosovarët nuk duhet të kenë panik, sepse vendi jonë në përgjithësi nuk është i rrezikuar nga tërmetet, thotë Shemsi Mustafa nga Instituti Sizmologjik i Kosovës.

“Harta e rrezikut sizmik na mundëson të dimë se ku mund të ketë termet dhe në cilat pjesë është rreziku më i madh. Zonat më të rrezikuara në Kosovë janë Istog, Pejë, Prizren, por edhe Vitia, Gjilani dhe pjesë veriore të Kosovës. Gjithsesi Istogu, Peja dhe Prizren janë më të prekura”, ka thënë Mustafa.

“Ne duhet të përgatitemi të parandalojmë rreziqet, duke i realizuar parametrat dhe kriteret që dalin nga hartat e rrezikut sizmik. Kur bëhen ndërtimet, duhet të kihet kujdes dhe të ketë mbështetje në këto harta që të ndërtohen me kritere të caktuara”, ka thënë Mustafa. “Ndërsa për ndërtimet që veç janë bërë, studimi që e kemi dorëzuar në Komunën e Prishtinës tregon se në cilat pjesë ndërtesat duhet të rrënohen tërësisht dhe në të ardhmen ku e me çfarë kriteri të ndërtohet”