Kloppi paralajmërohet për një rikthim të bujshëm në Dortmund

Jurgen Klopp është paralajmëruar për një rikthim të bujshëm në Borussia Dortmund përpara largimit të tij të afërt nga Liverpooli.

Me largimin e Kloppit nga posti i trajnerit të Liverpoolit në fund të sezonit, për shkak të “shterrimit të energjisë”, janë ngritur pikëpyetje se çfarë do të bëjë gjermani pas kësaj, megjithëse ai është zotuar se do të largohet një vit nga futbolli.

Tani, sipas “The Independent”, po qarkullojnë thashetheme se Kloppi mund të kthehet në ish-skuadrën e tij te Dortmundi vitin e ardhshëm - ekipi që ai menaxhoi midis 2008-2015.

Gazetari, Miguel Delaney i “The Independent” ka thënë: “Po flitet gjithnjë e më shumë rreth [Dortmundit] për kthimin e ish-trajnerit Jurgen Klopp në krye të futbollit në vitin 2025”.

Nuk ka asnjë sugjerim se ai mund të rikthehet si trajner kryesor në këtë fazë, megjithëse Delaney gjithashtu zbuloi: “Për disa në Dortmund, kjo është fundi i pashmangshëm i një periudhe të gjatë që kthehet në epokën e lavdisë 2010-13, me klubi vazhdimisht ri-angazhon figura të njohura”. /Zëri