Përfundon seanca e parë në Zubin Potok, Zeqiri: Kemi punë përpara

Ka përfunduar seanca e parë në Kuvendin Komunal të Zubin Potokut. Në seancë mori pjesë edhe kryetari i Komunës, Izmi Zeqiri.

Në rend dite ishte themelimi i Komisionit për pranimin e objektit.

“Kemi punë përpara në funksionalizimin e objektit. Pikë e rendit te ditës ka qenë themelimi i komisionit për pranimin e objektit, kjo në fakt ka qenë arsyeja kryesore pse e kemi thirrë seancën me urgjencë. Kemi shumë punë, do të fillojmë punën për të funksionalizuar objektin. Ne kemi funksionuar prej disa aneks zyrave, do te funksionojmë ende. Objekti ka probleme elementare. Ka me rrymën me ujin, problem me internetin. S’do të thotë që nuk funksionojmë edhe prej aneks zyrës, por në afatin sa ma te shkurt do jem këtu”, ka thënë kryetari Zeqiri pas seancës në Kuvendin Komunal.

“Është thirrë seancë urgjente. Për shkak të lajmërimit të shkurtër kohor nuk kanë marrë pjesë të gjithë.

Prej 19 asamblistëve kanë qenë 11, por kemi pasur kuorum për mbajtjen e seancës”, ka thënë kryesuesi i Kuvendit Komunal në Zubin Potok, Vedat Mehmeti. /RTK